El neñu na ventana
Acuérdate d’esto cuando lloñe te quede la infancia;
la lluz del sol nun primer día lluviosu de primavera;
tu que ris adicando dende la ventana cimera de casa,
y yo, que vuelvo de montar faciendo restallar la fusta
nel prau grande d’abaxu, faciendo’l payasu.
El tiempu esborra la nuestra alegría. Recalda esto con
ciñu...
El bravu día de marzu; y tu, entá nun cumplieres cuatro
años,
arriba nel to cuartu de xuegu – tou un cielu pa min.
Acuérdate d’esto –la felicidá a la que me garro–
en llonxanes primaveres que nun viviré pa ver;
el mundu: un mapa desplegáu de guerra afaradora,
y tu, inconsciente d’ello, lliberando’l mio espíritu.
Porque tienes qu’aprender, acullá d’años de desconciertu,
cómo les pequeñes coses amaes y guardaes son meyores.
Les ventanes del mundu tán emborrinaes de llárimes
y conflictos apuerten como báramos de ñubes del oeste.
Acuérdate d’esto, daqué tarde en primavera,
cuando’l to propiu fiyu achisbe y faga cantar el to
corazón triste.
Siegfried Sassoon (Matfield,1886- Heytesbury,1967)
No hay comentarios:
Publicar un comentario