Un poema de Giorgio Caproni

Acabada la obra

Lo que se fizo, amigos,

fecho ta. Podemos

posar los fierros.  Caún

(si quier –si tien daquién

que lu espere–) pue dir

llibremente pa onde más-y tire’l

corazón. Yo

que nun tengo otru llar

(qu’equí ente vosotros, veis,

y pa vosotros, soi Dios

qu’esiste, dizque, solamente

nel actu del que reza, un actu,

nel fondu, de desesperu

y negación), yo

–que nun tengo una ubicación–

prefiero quedar

entá un poco, escalecer

los deos nel últimu fueu

de l’atadura, y facer fuxir

de la mano’l temblor

que la esmena, depués fechu povisa

el caricós, esapaecer

“col preste de les tiñebles”.

Giorgio Caproni (Livorno, 1912- Roma, 1990)